Swabbing site sa croc park hangtud sa Nobyembre 2021

Gikumpirma ni Dr. Ashley Lopez, Acting Head sa City Health Office ug focal person sa Covid-19 Task Force nga hangtud bulan sa Nobyembre ning kasamtangang tuig ang operasyon sa drive-thru swab testing sa Davao Crocodile Park.

Kini human nisugot na ang pamunuan sa Crocodile Park nga gamiton isip permanente nga swabbing site alang sa mga public utility vehicle ug online food delivery services drivers, mga vendors ug uban pang empleyado sa mga establisyemento nga posibleng tinubdan sa transmisyon sa COVID-19.

Mas ganar matud pa ang maong lugar sanglit lapad ang area nga sakto aron mapatuman og husto ang minimum health standard sama sa physical distancing.

Ang paggamit sa crocodile park ang kabahin pa gihapon sa gipakusgang community surveillance testing gawas pa sa naunang mando ni Davao City Mayor Sara Duterte nga magdugang og swabbing site ang mga district offices.BNFM-DAVAO

Leave a Reply

Your email address will not be published. Required fields are marked *