LEGAZPI CITY – Igwa man ki naeksperyensyahan na hacking sa system an Philippine Statistics Authority (PSA) asin solamenteng an Community-based Monitoring System (CBMS) database sana an naapektaran asin wara nang ibang nadanyaran.
Ini an kinumpirmar ni PSA Bicol Regional Director Cynthia Perdiz sa Brigada News FM Legazpi.
Segun kay Perdiz, an saindang system o database para sa mga national IDs asin birth certificates, dai man nagkahiriro huli kan hacking incident.
Dugang pa niya, bako man masyadong controversial an isyu na ini huli ta maiiling an pangaran kan respondents alagad an mga impormasyon dapit sa saindang mga address asin iba pang detalyes, dai man mapapakinabangan kan hacker ta naka-code an mga ini.
Mientrastanto, napag-olayan man sa meeting ninda kan DICT asin Office of the Vice President na an CBMS kan PSA bako man secured.