Nakadawat ug hygiene kits ug PPE gikan sa Office Of The Civil Defense ang kagamhanang lokal sa dakbayan San Carlos Negros Occidental kagahapon alang sa mga nasunogan ug sa mga frontliners.
Sa pagpangulo ni OCD Director Jose Roberto Nunez siya mismo mitunol sa 215 ka mga hygiene kits nga alang sa mga biktima sa sunog sa Parola niadtong Agosto 31, 2021 samtang alang usab sa mga frontliners ang 50 ka facemask, 50 ka faceshield ug 50 ka overall.
Sulod sa maong hygiene kit ang toothbrush, toothpaste, shampoo, ug sabon pangligo, hand towel, bath towel, sudlay, napkin ug sabon panglaba.
Homan sa turn-over mibisita usab ang OCD Director ngadto sa lugar diin nakahikling ang mga nasunogan ug ngadto sa mismong lugar nga nasunog.////