Patay ang usa ka myembro sa LGBT community nga residente sa Davao City human kini gitoohang nadamay sa pagpamusil sa wala mailhing kriminal sa Prk. Silangan, Brgy Caloocan Koronadal City sa milabayng gabie.
Sumala kang Koronadal Deputy Chief of Police, Major Rommel Hitala, ang biktima giila nga si Bryan Gallan, 30-anyos manicurista, nga residente dinhi sa Davao City samtang ang uyab nag kapuyo niini nga giingong target sa mga gunmen naila nga si Rodel Sagun, 21 anyos, residente sa Brgy Gapok, Senator Ninoy Aquino, Sultan Kudarat.
Tulo matud pa ka lalaki sakay sa motorsiklo ang nidool sa mga biktima nga anaa gawas sa ilang boarding house dihang kalit gipusil si Sagon dayon gisunod si Galan nga deretso kahagba sa yuta.
Personal grudge ang nag-unang motibo nga gisubay sa kapulisan sa Koronadal human nasayran nga dunay nakaaway si Sagon sa miaging semana nag posibleng gibalsan ug nadamay lang ang kapuyo niining LGBT member. BNFM-DAVAO
