MIREAK ang pipila ka residente sa gensan sa planong pagtanyag og insentibo lgu sa kapulisan ug barangay kung maangkon ang zero crime rate sa ilang lugar nga ginsakopan.
Tan-aw sa mga nasangpit nga maglisod ang kapulisan nga makab-ot ang zero crime rate sa siyudad partikular na sa heinous crime sama sa pagpamusil.
Uyon ang pipila ka residente sa gensan nga hatagan og insentibo ang kapulisan ug barangay kung maangko ang zero crime rate sa siyudad.
Apan naglaom ang mga nasangpit angayang mahimong matinud-anon usab ang kapulisan ug barangay sa kahitabo sa ilang lugar ugaling mapatuman ang iduso nga ordinansa kalabut sa insentibo, asoy ni Rogelio Medina, residente sa siyudad.
Sa bahin bahin ni Konsehal Jose Edmar Yumang, chairperson sa komitiba sa Peace and Order sa Sangguniang Panlungsod (SP) sa GenSan.
Luyo sa paghatag og P100, 000 nga insentibo sa matag presinto ug barangay nga makatala og zero crime rate sulod sa usa ka bulan.
Dunay mga ‘safety nets’ silang ipatuman aron masiguro nga dili maabuso ang unod sa iduso niining ordinansa.
Plano ni Yumang nga iduso ang sugyot sunod semana atol sa sesyon sa konseho.
Nag-ugat ang pamahayag sa konsehal dungan sa serye sa pagpamusil nga natala sa GenSan gikan Enero hangtud nakalabay’ng bulan.- Richel Gubalani