Nasungkit ang rank 6 cadet ni Feljoy Bagabaldo Ending sa Philippine Military Academy (PMA) Masaligan Class 2021, nga usa ka garbo nga miyembro sa Bravo Company nga gikan sa dakbayan sa Oroquieta, Misamis Occidental.
Siya usa ka 24-anyos, nga college undergraduate sa Bachelor of Science in Criminology sa Misamis University.
Si Ending, usa ka Dean’s Lister ug usa ka Commandant’s Lister, usa usab siya ka miyembro sa Honor Committee, Baseball Corps Squad ug Softball Corps Squad.
Mipagawas og resulta sa Top Performing Cadets sa PMA Masaligan Class of 2021, karong adlawa Mayo 3, 2021, pinaagi sa pagpahigayon ug “Kapihan sa PMA”, nga nahitabo sa may Longayban Hall, PMA, Fort del Pilar, Baguio City.
Ang kalihokan gi-stream live sa PMA Opisyal, sa ilang Facebook Page, ni LTGen Ferdinand Cartujano, PAF Superintendent, PMA diin gitambongan usab kini sa ubang mga PMA key Officials.
Ang klase sa 2021 gilangkuban sa 138 ka lalaki ug 26 ka babae, lakip sa ila ang 82 ang Army Cadets, 46 ang Midshipmen, ug 36 Aero Cadets nga moapil sa ilang tagsa-tagsa nga mga sangay sa serbisyo, isip mga Lieutenant / Ensign, pagkahuman sa ilang Commencement Exercises nga gikatakda sa 10 Mayo 2021.(Jean Ruben)