NADALA usab sa speech ni Mayor-elect Lorelie Pacquiao ang pipila sa iyang taga suporta nga nakasaksi sa iyang pagpanamilit sa konseho sa Gensan isip ex officio member.
Sa personal nga pahayag ni Purok Kagawad Boyet Bagatao bisan siya natandog usab sa mensahe ni Pacquaio og nakadayeg kini sa mubo apan makahulogan ang pagpanamilit sa council.
Alang kay Bagatao adunay usab nahimo si Pacquiao sa syudad isip chairperson sa komiteba sa Infrastructure kuyog sa uban pang konsehal mao nga nag top 5 usab sa mga resolution nga napasa.
Samtang busy si Mayor-elect Pacquiao sa pagpangandam alang sa iyang ulahi usab nga State of Brangay Address sa Barangay Labangal sa Hunyo 27 isip kapitan sa mao nga Barangay.
Ang takdang mohulip sa iyang nabakante nga position mao ang number one kagawad nga si Reynaldo Clapis.
Samtang sa Hunyo 28 gitakda usab ang pagpanumpa ni Pacquiao isip bag-ong Mayor sa General Santos City nga himuon sa Lagao Gymnasium. I Ver Diazon