Gitugutan na sa lokal nga panggamhanan ning syudad sa Davao ang pagbalik sa tanang flights lakip ang scheduled international flights, unscheduled domestic commercial flights o chartered, ug ubang general aviation flights gikan ug paggawas sa syudad.
Kini base sa gipagawas nga Executive Order No. 26 ni Mayor Sara Duterte-Carpio nunot sa sugyot sa Civil Aviation Authority of the Philippines (CAAP) ug Davao International Airport nga tanggalon ang tanang restrictions sa flight operations aron mas daghang economic activities ang mahimo.
Apan gitataw usab nga hugtanon pa gihapong ipatuman sa local government ngadto sa mga inbound passengers ang Ordinance No. 0477-21, o ang “mandatory testing prior sa pagsulod sa Davao City via Davao International airport,” base sa order.
Kahinumduman March 2020, gipagawas sa Mayor ang EOs 12 ug 22, nga nagsuspinde sa international ug domestic air travels aron pugngan ang pagkatag sa COVID-19 ug niadtong June 8, 2020 giablihan anh domestic commercial flights ubos sa strict health safety protocols.
Gilaumang sa pagtanggal sa tanang restriction, mobalik usab ang mga flights sa Cathay Dragon’s Davao-Hong Kong-Davao, Cebu Pacific’s Davao-Singapore-Davao, Garuda Indonesia’s Davao-Manado-Davao, Qatar Airways’ Davao-Qatar-Davao, SilkAir’s Davao-Singapore-Davao, ug XiamenAir’s Davao-Quanzhou-Davao, lakip ang 21 domestic flightsnga giserbisyuhan sa nagkadaiyang airlines.