Tanang impormasyon sa pagtudlo sa gikaingong suspek sa pagpusil kang Maam Yentez Quintoy, gina-validate sa kapulisan

GINA-VALIDATE ang tanang impormasyon gikan sa testigo sa pagpusil patay kang Maam Yentez Quintoy aron maduso ang tukmang kaso batok sa responsable.

Kini ang gibutyag ni Police Major Rissa Hernaez, tigpamaba sa General Santos City Police Office human sa pagtahan matud pa sa gikaingong suspek subay sa pagtudlo sa testigo.

Apan gitino ni Hernaez wala pa nahuman ang imbestigasyon tungod kinahanglang i-validate ang tanang ebidensya sama sa murder weapon, resulta sa paraffin test aron maduso ang kaso sa piskalya.

Sa karon nangalap pa og dugang impormasyon ang kapulisan sa kinsa man nga makatabang sa pagtudlo kinsa ang kasuhan ug unsang kaso ang ipasaka.

Samtang gibutyag ni Hernaez nga regular filing ang mahitabo sa kaso sa mitahan nga suspek tungod ipatuman ang hustong proseso sa balaod.

Awhag usab niini sa pamilya Quintoy kung may dugang impormasyon pa nga nasayran mahimong ihatag lang sa kapulisan aron matumbok unsa ang ipasaka ug kinsa ang makasuhan.

Sa mga makakita sa unsa mang krimen sama sa nahitabong pagpamusil, ginahangyo niini nga motawag gilayun sa concerned agencies aron paspas marespondihan ug mahimong maluwas pa sa kamatayon ang biktima.