SIRADO ang central public market sa GenSan ug tranang mga palengke sa syudad sa adlawng Dominggo, sugod sa Mayo 16 tungod sa no Sunday movement subay sa E.O 22.
Segun ni Lito Esclamado, city public marker administrator nga nahuman na sila nga nag-meeting aron hisgutan ang mga lakang nga ipatuman.
Sa matag Dominggo, ipahigayon ang general disinfection sa palengke sa gawas ug sulod niini hinungdan sirado kini sa publiko sa Dominggo mao tambag sa mga katawhan, mamalengke og sayo.
Samtang ipatuman pagbalik ang mga restrictions sa palengke sama niadtong ECQ pa aron mapugngan ang pagkatag sa COVID-19.
May request na usab si Esclamado sa vendors association sa paghatag og tawo aron motabang sa pagbantay sa mga agiahanan sa palengke, labi na sa main entrance ug magpahigayon na usab og clearing operation sa mga illegal vendors nga maoy magpahuot sa mga agihanan.
Nasayran nga adunay 26 ka gate ang palengke mao nga kinahanglang hugtan sa pagbantay aron usab makontrola ang igong ihap sa mga tawo ug pagsunod sa health protocols.