Padayon kag mas ginpasangkad pa sang Tapaz Municipal Police Station ang pagkampanya sang Tokhang Kontra Armas Luthang ukon TKAL sa ila nasakupan.
Ini ang ginpahayag ni PMaj. Jhon Almarino Bonior, hepe sang Tapaz PNP sang ma-interview sang Brigada News FM Roxas City.
Suno kay Bonior, ila ginatutukan sa karon ang implementasyon sang TKAL sa diin ginakumbensi nila ang mga pumuluyo nga nagahupot sang indi lisensyado nga armas-luthang nga boluntaryo nga isurender sa ila talatapan.
Dugang pa sini, nga may yara na sang duha ka residente ang boluntaryo nga nagsungka sang indi lisensyado nga armas sa mga kapulisan.
Ginpahayag man ni Bonior nga ila gid ginapadulungan ang mga balay sang mga ginasuspetsahan ukon may mga record sa barangay nga nagahupot sang iligal nga armas-luthang kag ginahinyo sa mga ini nga isurender.
Ginamonitor man nila ang mga pumuluyo nga may mga armas kag sa tion nga manug-expire ukon expire na ang lisensya ila ini ginapadal-an sang notice agud ipa-renew.
Magluwas sini, madamo pa sang mga programa ang kapulisan nga ginapatuman gikan sa national headquarters.
Nagapangabay man si Bonior sa mga pumuluyo sang Tapaz nga buligan sila pag-implementar sang peace and order kag kun ano man ang mga impormasyon nga ila nahibaluan ilabi na sa mga iligal nga aktibidad ipahibalo gid nila gilayon sa mga kapulisan. | Judy Ann Juare
CAMARINES NORTE - Hindi nakapagpigil si Camarines Norte Schools Division Superintendent Crestito Morcilla na magpasaring…
Usong uso ngayon ang Asoka Trend na nagmula sa isang Indian movie. Ngunit gumawa ang…
CAMARINES NORTE - Napanatili ng Camarines Note ang “pertussis free” status makaraang walang maitalang kaso…
Masiglang sinimulan ng Philippine women's under-17 national team ang 2024 AFC U-17 Women's Asian Cup.…
CAMARINES NORTE - Dumating na nitong Lunes ng hapon ang ang pilgrim image ni Ina,…
CAMARINES NORTE - Pinaalalahanan ng Department of Education na bawal mangolekta ang mga empleado nito…