Nagpatigayon ang Overseas Workers Welfare Administration (OWWA) Region 6 sang Organizational Training Management sa Basic Bookkeeping para sa tatlo ka mga OFW association family.
Nakigbahin sa nasambit nga training ang OFW International Jamindan Capiz Chapter, Pangabat OFW Family Circle Association kag San Jose OFW and Family Association.
Tuyo sang sini nga kahiwatan agud mas maintindihan kag maubrahan sang ideal organizational structure kag mabal-an ang insakto mga paghawid sang negosyo.
Magabaton ang mga ini sang total nga P1 milyon pesos kag subong gin release na ang inisyal nga P200,000 para sa first tranche halin sa Tulong Puso Program sang OWWA.
Tuman gid ang pagpasalamat sang mga OFW sa dugang nga ihibalo nga ila nabaton sa amo nga training kag sa bulig nga sila maka income.
Padayon man ang suporta ni Mayor Mac Valdemar, Vice Mayor Aran Vestidas kag SB Members sa mga programa para sa ikaayo sang mga OFW.
Yara man ang presensya ni Mr. Christian Labuyo, Family Welfare Office-Capiz, Mr. Remon Albeza, Mr. Sherwin Madayag kag Ms.Lea Aguirre bilang lecturer. | Judy Ann Juare