Tatlo ro patay kaeakip ro sambilog ka pulis sa natabo nga insidente it pagpamaril sa Barangay Cubay South, Bugasong, Antique kahapon, Oktubre 15.
Natabo ro insidente, matapos magresponde ro Bugasong police sa sambilog ka shooting incident sa nasambitan nga lugar.
Sa andang pag-abot, nakauli eun sa andang panimaeay ro ginapatihan nga suspek.
Base sa pahayag ni Punong Barangay Frederick Arguelles, natabo ro nauna nga shooting incident sa sueod it panimaeay it biktima nga si Kagawad Efrain Florendo.
Dead on the spot ro kagawad nga gintamaan sa ulo.
Dugang pa it kapitan, matapos ro insidente, nagpahatod ro suspek sa baeay it anang manghod.
Ginkumbinse man it manghod it suspek nga mag-surrender raya sa mga otoridad pero hakibot eun eang sanda kat gulpi naguwa it baeay ro suspek nga ginkieaea nga si Roy Jalipa ag ginbaril si Pssg Elvin Agting nga nagahueat sa guwa it panimaeay.
Bangud dikara, insida nga nagbaeos ro mga pulis, gintaman man ro supek nga nagresulta it anang kamatayon.
Ginapatihan nga si Jalipa hay may nervous breakdown./JIL B. LACSON