KALIBO, AKLAN—Tatlong empleyado it Land Transportation Office (LTO) Aklan do nagpositibo sa coronavirus disease 2019 (COVID-19) mag-eowas pa sa tatlong naka-quarantine.
Bangud kara, temporaryong ginpasara do nasambit nga taeatapan umpisa ku Agosto 5, 2021 until further notice agud nga magpatigayon it disinfection ag contact tracing.
Sa ginpaguwa nga abiso it LTO Aklan, kaibahan sa mga maapektuhan it andang temporary closure hay do mga magaparehistro it andang saeakyan ag do mga nagabuoe it driver’s license.
May kaangtanan kara, tanan nga mga rehistro ag lisensya nga maga-expired makarun nga buean it Agosto hay andang iga-extend hasta sa September 30, 2021 nga owa it penalty. // SHERRY ANNE REUNIR-VIDAL