KALIBO, AKLAN—Igapatuman umpisa sa Domingo (May 30,2021) do temporary curfew hour nga alas-9 it gabii hasta it alas-4 it agahon sa banwa it Kalibo.
Base sa ginpaguwa nga Executive Order No. 45 ni Kalibo Mayor Emerson Lachica, raya do natigayon nga ginkasugtanan it Liga ng mga Barangay ag Municipal IATF bangud sa padayon nga nagasinaka do kaso it COVID-19 sa kabisera it Aklan.
Dugang pa kara, natukiban man nga do ginhalinan it mga kaso sa COVID-19 hay do mass gatherings ag do pakipag-inuman kung siin kaabuan sa mga nadadakpan nga nagaeapas kara hay halin sa party.
Samtang, do tanan hay ginabawaean nga magguwa sa nasambit nga oras mag-eowas eamang sa mga IATF officials, Kalibo municipal at barangay officials, mga law enforcement agency, incident management and peace and order personnel, media personnel ag iba pang nagaobra it andang actual performance of duty. // SHERRY ANNE REUNIR-VIDAL