Nakatanggap ang Technical Education and Skills Development Authority (TESDA) ng pinakamataas na approval at trust ratings sa mga ahensya ng gobyerno, batay sa resulta ng survey na PAHAYAG 2022 End of the Year (P-EOY 2022) ng PUBLiCUS Asia.
Ayon sa TESDA, nakakuha ang ahensya ng 72 percent, na mataas kumpara sa naunang 68 percent rating sa third quarter survey.
Sa first quarter survey, nakakuha ang TESDA ng 65.8 percent approval rating at 49.9 percent trust rating, habang sa second quarter survey, ay nakakuha ito ng approval rating na 72 percent at trust rating na 60 percent.
Sinundan naman ito ng Armed Forces of the Philippines (AFP) sa 68 percent at ng Department of Education (DepEd), Department of Social Welfare and Development (DSWD), at Department of Tourism (DOT) na may tig 65 percent bawat isa.
Kaugany nito, ang TESDA rin ang most trusted government agency na may 60 percent rating, mataas sa kanilang third-quarter rating na 56 percent, sinundan ng DepEd at AFP na may parehong 57 percent trust ratings.
Bagama’t consistent ang TESDA sa mga top government agencies sa PUBLiCUS Asia surveys, ito naman ang unang pagkakataon sa loob ng dalawang taon na nag-excel ang ahensya sa parehong trust at approval ratings.