TESDA Region 2, nag-deploy ng team para tumulong sa rehabilitation efforts sa region vi na sinalanta ng bagyong odette

Nasa 11 trainers ang ipinadala ng TESDA Cagayan Valley ngayong araw, January 5, 2022 upang tumulong sa restoration at rehabilitation efforts sa mga lugar na sinalanta ng bagyong Odette sa Region VI.

Ito umano ay bahagi ng TESDAmayan na inisyatibo ng ahensya at implementasyon ng Regional Buddy System kung saan inatasang magbigay ng assistance ang team sa naturang rehiyon na isa sa labis na hinagupit ng nagdaang bagyo.

Ito rin ay sa ilalim ng Community Assistance for the Rehabilitation and Empowerment o TESDA Region II CAREs program kung saan partikular na tutunguhin ng mga trainers ang Negros Occidental para sa pagsasagawa ng rehabilitasyon sa mga nasira ng Odette.

Ayon sa TESDA Region 2, ang team ay pinapangunahan nina Isabela School of Arts and Trades (ISAT) at Southern Isabela College of Arts and Trades (SICAT) Vocational School Superintendents Edwin Madarang at Danilo Pacis.

Kasama rin ng mga ito ang siyam na trainer ng carpentry, electrical installation, masonry, photovoltaic installation at welding na mula sa iba’t-ibang TESDA administered school sa rehiyon.

photo/TESDA RO2

Leave a Reply

Your email address will not be published. Required fields are marked *