Gipalig-on pa sa Task Force (TF) Davao ang gipahigayong checkpoint operation nunot sa nahitabong emergency meeting tali sa mga security clusters.
Sumala kang Col. Darren Comia, hepe sa Task Force Davao, kanunay ang pakig-alayon sa iolang yunit nagkadaiyang unit sa Armadong Kusog sa Pilipinas ilabi na sa intelligence unit lakip na sa Davao City Police Office.
Gikumpirma usab niini nga sukad kagahapon sa buntag wala pay nadawat nga impormasyon ang TF-Davao kabahin sa advisory sa Japanese Embassy labot sa posibleng terror attack sa Southeast Asian countries lakip na ang Pilipinas.
Hinoon gisiguro sa TF Davao nga kontrolado ra sa otoridad ang sitwasyon ug padayon ang hugot nga pagpatuman sa seguridad sa syudad. BNFM-DAVAO
