Nagbitiw sa kanyang pwesto sa Kamara ang third nominee ng ACT-CIS party-list na si Jeffrey Soriano.
Tinanggap ng House leadership ang kanyang pagbibitiw na inihain noong February 6.
Bago ang kanyang pagbibitiw, si Soriano ay assistant majority leader, vice chairperson ng tatlong komite, at miyembro ng mayorya ng anim na iba pang panel. Siya rin ang pangunahing may-akda ng 110 bills.
Wala pang pahayag si Soriano na nagpapaliwanag kung bakit siya nagbitiw sa kanyang puwesto.
Nananatili namang kinatawan ng ACT-CIS party-list sina Representatives Edvic Yap at Jocelyn Tulfo.
Si dating DSWD Secretary Erwin Tulfo ang napapabalita na papalit kay Soriano. Si Tulfo ang ikaapat na nominee ng ACT-CIS.//CA