Patay ang usa ka ticketera sa sabungan homan nga gipusil sa riding-in-tandem sa Barangay Matangad, lungsod sa Gitagum Misamis Oriental.
Naila ang biktima nga si Janeth Aguinaldo Roma, 52-anyos, minyo, dunay duha ka anak nga residente sa Macanhan Carmen, Cagayan de Oro.
Sa imbestigasyon gibutyag ni Gitagum Municipal Police Station Chief Investigator Police Chief Master Sergeant Junar Jardin, pauli na unta ang biktima gikan sa iyang trabaho, dihang paglingkod niini sa iyang motorsiklo ug nakig-estorya una sa iyang kauban nga ticketera kalit lang kining gipusil gamit ang 9mm pistol.
Nakahiagom sa duha ka igo sab ala sa tangkogo ang biktima ug duna pay nakita nga exit wound sa walang bahin sa mata.
Gilantaw nga motibo sa kapolisan sa maong pagpamusil ang trabaho sa biktima diin dili malikayan nga dunay makabikil sa sabungan.
Padayon ang imbestigasyon ug paggukod sa otoridad batok sa riding-in-tandem suspects.