Tindero huli matapos makumpiskahan ng nasa 4k halaga ng iligal na droga

CAMARINES NORTE- Isang tindero na hinihinalang tulak ng iligal na droga ang nadakip ng mga kapulisan sa isinagawang buy-bust operation ng pinagsanib pwersa ng mga otoridad nitong Mayo 27, 2021 dakong alas 4:30 ng umaga sa Purok 3, Barangay Gumamela, Labo, Camarines Norte.

Ang suspek ay nakilalang si ARIEL ABLES y Loveranes, 38 anyos at residente ng Purok 3, Barangay Gumamela, Labo, Camarines Norte.

Ang naturang operasyon ay nagresulta sa pagkakaaresto ng nabanggit na suspek kung saan nakumspika dito ang isang (1) pirasong Limang Daang Piso ( ₱500), isang (1) piraso ng maliit na pakete na naglalaman ng hinihinalang shabu at tatlong  (3) piraso ng pakete na may katamtamang laki at naglalaman ng hinihinalang shabu.

Ang mga nasamsam na iligal na droga ay tinatayang nagkakahalaga ng apat na Libong Piso (₱ 4,000).

Samantala, inihahanda na ng mga operatiba ng Labo MPS ang mga kaukulang dokumento at ebidensya para sa pagsasampa ng kaso laban sa suspek.

Leave a Reply

Your email address will not be published. Required fields are marked *