Inanunsyo ni Pangulong Bongbong Marcos Jr. na suspendido na mula July 1 hanggnag 30 ang toll collection sa Manila-Cavite Expressway.
Ito’y matapos aprubahan ng Toll Regulatory Board ang rekomendasyon ng Philippine Reclamation Authority na suspendehin ang toll collection sa pamamagitan ng RFID at cash transactions.
Sa dalawang pahinang resolusyon, nagpasya ang TRB na pansamantalang suspendihin ang pangungulekta ng toll fee matapos banggitin ng Pangulo ang 30 araw na toll holiday noong pasinayaan ang tatlong proyekto ng expressway sa Sucat, Paranaque.
Ang suspensiyon sa toll fee ay para sa lahat ng uri ng sasakyan na dumadaan sa CAVITEX.