Top 1 most wanted person sa Bicol Region na naaresto sa Mandaue City, naibalik na sa kanyang court of origin

Iprinisenta na sa kanyang court of origin ang top 1 most wanted person sa Bicol na naaresto sa Mandaue City ng mga tauhan ng Pio V Corpus Police katuwang ang Mandaue City Police at iba pang operatiba ng PNP, sa ilalim ng Oplan Pagtugis.

Kinilala itong si Rey Pepito Buhia alias ‘Titing Bulanting Buhia,’ 45-anyos, may asawa, mangingisda at naninirahan sa Brgy Mabuhay, Pio V Corpus, Masbate.

Ayon sa Masbate PPO, naaresto si Buhia sa kanyang pinagtataguan sa Canduman Housing, Brgy Canduman ng nasabing lungsod noong Marso 3 ng kasalukuyang taon. Nahaharap ito sa kasong murder na walang itinakdang piyansa.

Si Buhia ay nagtago ng mahigit 5 taon matapos na mapatay nito ang biktimang si Raymond Rosales Mahinay noong Mayo 22, 2017.

Hinihintay na lang ng Pulisya ang commitment order sa akusado na ibaba ng korte.

Leave a Reply

Your email address will not be published. Required fields are marked *