Nahulog sa kamot sang mga kapulisan ang 30-anyos nga lalaki kag ginakabig top 2 most wanted person sa probinsya sang Iloilo sa barangay Seminario, Jaro, Iloilo City.
Ginkilala ang arestado nga nagapangatubang sang kaso nga Rape by carnal knowledge kay Jessie James Ayala, 30-anyos, residente sang Barangay Taft, banwa sang Santa Barbara.
Ang warrant of arrest gin-isyu kag pirmado ni Honorable Elijo Sharon Ronzales Herrera-Billones, Presiding Judge sang RTC 6, Iloilo City.
Wala naman sang piyansa nga ginrekomerdar ang korte para sa temporaryo kahilwayan sang akusado.
Nahibaluan, nga si Ayala man ang top 5 most wanted person sa banwa sang Pavia, Iloilo.
Sa karon, nagapabilin ang akusado sa Pavia PNP Custodial Facility para sa nagakaigo nga disposisyon.//KMD Gicalde