Top 3 Most Wanted Person sa banwa sang Pilar, arestado

Arestado ang isa ka mister kag ginakabig top 3 most wanted person (municipal level) matapos ginserbihan sang mga kapulisan sang warrant of arrest sa Barangay San Nicolas, Pilar, Capiz.

Ang wala ginhingadlan nga akusado ang nagapangatubang sang kaso nga pagbayolar sa Republic Act 10591 ukon ‘Comprehensive Firearms and Ammunition Regulation Act’.

Ang warrant of arrest gin-isyu kag pirmado ni Honorable Kristine B. Tianco-Vinculado, Presiding Judge, Sixth Judicial Region Branch 16 sang Roxas, City, Capiz.

Kantidad nga P120,000 ang piyansa nga ginrekomendar sang korte para sa temporaryo nga kahilwayan sang suspek.


Sa karon, nagapabilin sa kostudiya sang kapulisan ang akusado para sa nagakaigo nga disposisyon. | KMD Gicalde

Leave a Reply

Your email address will not be published. Required fields are marked *