NADAKPAN na ang Top 5 Most Wanted Person nga si Julieto Montealto Purgosa sa kasong rape kalabot sa R.A kun Republic Act 7610 kauban ang Criminal Case No. 17-021 nga gipanguluhan sa Vincenzo Sagun MPS kaniadtong ming-aging adlaw sa Sitio Paraiso, Barangay Lagubang, Munisipyo sa Senator Ninoy Aquino, Province sa Sultan Kudarat.
Giasoy ni Police Captain Jaycel R. Cabarrubias nga usa ka Intel driven operation ug tracker team nga gipanguluhan sa Vincenzo Sagun MPS kauban sa mga otoridad ang naghimo og hiniusang pwersa sa pagdakup sa Top 5 Most Wanted Person nga miresulta sa pagkasikop niini sa nahisgutang lugar.
Nasayran nga wala’y girekomenda nga piyansa alang sa krimen nga gihisgutan niini. Ang mga personahe sa Criminal Investigation and Detection Group Zamboanga Del Sur Provincial Field Unit 9 nagamit og body camera alang sa proteksyon sa ilahang kaugalingon nga aduna usab sila’y ebidensya kalabot sa pag-aresto sa suspetsado sa pagtuman sa amendment 21-06-080-AC nga mas naila sa “Rules on the Use of Body- Worn Camera in Execution of Warrant of Arrest” may kalabutan sa OCA Circular No. 110-2021.
Kasamtangang anaa sa maayong panglawas ug panghunahuna ang suspek nga gikustodiya sa Vincenzo Sagun Police Personnel alang sa tukmang disposasyon.