Dakup sa drug buy bust operation it mga kapulisan ru Top 9 drug personalities sa region 6 sa Concepcion st., corner Goding Ramos , Pob. Kalibo, Aklan kabie.
Sa datos nga gin paguwa it PDEA, nakilaea ru mga subject persons nga sanday Rommel Garcia Alyas Butchoy”, 46 anyos, ginakabig nga regional Target #9 ag residente it Brgy. Tinigaw, Kalibo,Aklan.
Kaibahan man si John Ryan Malbas “Alyas Japjap “, 42 anyos, sangka delivery boy ag residente it Brgy. Mabilo, Kalibo, Aklan.
Nakupiska sa 2 mga subject persons ru 7 heat sealed transparent plastic sachet nga may sueod nga white crystalline substance; buy bust money nga P500; cash nga P23,490; 1 cellphone ag kotse.
Ginapatihan it mga kapulisan nga ru mga subject person hay supplier it illegal nga droga bukon eamang it sa banwa’t Kalibo kundi sa bilog nga probinsya’t Aklan.
Dati man eon sigun nga nadakpan it illegal nga droga rum ga imbolbado.
Gin himo ru madinaeag-on nga operasyon it ginbilog nga pwersa it PDEA, Provincial Drug Enforcement Unit (PDEU) ag Kalibo MPS.
Kulong sa makaron ru mga subject persons sa Kalibo MPS ag maga pngatubang it kasong pag-eabag sa Republic Act 9165 o Comprehensive Dangerous Drugs Act of 2002.//MARIVIC Y. ILIN