Sangka eaeaki nga taga Jamindan Capiz, ro nag agto kaina sa Kalibo MPS para magbuoe it National Police Clearance (NPC), pero nagguwa nga naka pending ro anang aplikasyon bangud sa “hit status” sa Enhanced e-Warrant System it PNP
Matapos ro maid-id nga beripikasyon, nadiskubrehan nga may una raya nga pending nga warrant of arrest nga may petsang June 23, 2021 para sa kasong rape nga gin isyu ni Hon Joy Nierves Casihan-Dumlao, Presiding Judge, Regional Trial Court, National Capital Judicial Region, Branch 262, Pasig City, ag owa it piyansang gin-rekomenda.
Insigida nga inaresto it mga elemento it Warrant and Subpoena Section it Kalibo MPS ro nasambit nga persona.
Sa kustodiya eon raya makarun it Kalibo MPS ag nataeana nga i-turn over sa nagakaigu nga korte. / ANN DESLENE SALAZAR