Tourist Police sa Puerto Princesa, pinuri dahil sa ipinamalas na serbisyo

Umani ng pasasalamat at papuri online ang isang Tourist Police sa Puerto Princesa International Airport dahil sa ipinamalas nitong serbisyo sa mga turista.

Sa post ng isang “Fhonz Sy”, patungo na silang Airport galing Elnido nang tumigil sila sa isang cerenderia at sa pagkakataong iyon ay na “food poison” umano ang kanyang dalawang pinsan. 

Mabuti na lamang umano ay nakasalamuha nila si PCMS Edilberto B. Tan na sinamahan sila sa loob ng airport habang patuloy na nagsusuka ang kanyang pinsan dahilan para hindi sila payagan maka-biyahe at kalauna’y nakapag nakapag-rebooked sila ng ticket.

Sa kanyang post, dinala sila ni Tan kasama ang kanyang pinsan sa hospital gamit ang sarili nitong sasakyan bago sila binigyan ng pagkain at mga damit.

Kinailangan umanong i-admit ang kanyang pinsan para makakuha ng medical certificate upang makalipad pabalik ng Manila.

Sa ngayon, nasa maayos na kalagayan na umano ang kanyang pinsan at walang humpay ang kanyang pasasalamat kay Tan sa serbisyo at tulong sa kanila.

Leave a Reply

Your email address will not be published. Required fields are marked *