Trabaho sa munisipyo sa bayan ng Sto. Niño, South Cotabato, 7 araw na suspendido

KORONADAL CITY — SUSPINDIDO simula ngayong araw, Hunyo 14 ang lahat na trabaho at transaksiyon sa munisipyo ng Sto. Niño, South Cotabato upang bigyan daan ang decontamination at disinfection upang mapigilan ang pagkalat ng coronavirus disease o Covid-19 sa nabanggit na pasilidad.

Sa panayam ng Brigada News FM Koronadal kay Sto. Niño Mayor Sulpicio Villalobos, tatagal ng pitong araw ang suspension at naka-work from home ang mga empleyadong apektado.

Nananatili naman umanong bukas ang kanilang Municipal Health Office, Municipal Disaster Risk Reduction and Management Council o MDRRMC at Municipal Civil Registrar.

Ayon sa alkalde na nag-desisyon silang i-lockdown ang munisipyo matapos umabot na sa 26 ang bilang ng mga empleyadong nag-positibo sa Covid-19.

Kaugnay nito, umapela naman si Villalobos sa publiko ng pag-unawa sa ipinatupad na suspension ipinasigurong babalik sa normal ang trabaho sa munisipyo sa darating na Lunes, Hunyo 21

Leave a Reply

Your email address will not be published. Required fields are marked *