MOHATAG pa og rekomendasyon ang Traffic Enforcement Unit kun TEU sa rerouting plan nga gina-finalize pa sa Public Safety Office ug DPWH kalabot sa tukuron nga underpass along national highway corner Mabuhay road ug going Bulaong terminal.
Kini segun pa kang Police Lt.Col.Dominador Palgan Jr. nga motabang usab sila sa pagpahapsay sa dagan sa trapiko luyo nga aminadong kulang gayud sila og mga personnel.
May walo matud pa kini ka responders apan dili usab tanan mahatag tungod sila usab ang gaimbestiga sa mga insidente sa bangga sa kadalanan.
Niadtong June 15 ang orihinal nga pagpatuman sa rerouting plan sa maong lugar apan wala pa napatuman tungod gina-finalize pa ang planong mga rota.
Hinuon gidugang ni Palgan nga ilahang tun-an ang rerouting plan aron didto makabutang og tawo sa area nga may paghuot sa trapiko.
Ugaling mapatuman ang rerouting plan, hangyo niini ang kooperasyon sa tanan tungod dugay pa usab mahuman ang maong proyekto nga may pondo nga P650 million ug mahuman sa 2024.