Naghatag na sang paathag kag nagapangayo sang pasensya ang isa ka traffic enforcer nga nasiplatan nga wala nagasuksok sang helmet samtang nagamaneho sang iya motorsiklo sa bahin sang Taft Street.
Sa interview sang Brigada News FM Roxas City kay Osmeรฑa Aguirre, iya ginpahayag nga samtang naga-traffic ini, natalupangdan niya nga wala sa iya bag ang iya cellphone rason nga nagdali-dali ini sakay sa iya motorsiklo kag ginsubay pabalik ang dalan nga iya gin-agyan kag ulihi nalang sini nadumdoman nga wala siya nakasuksok sang helmet.
Dugang pa sini, nagpondo siya sa higad sang dalan kag gingutos nalang pabalik sa ila opisina, apang lipod sa iya ihibalo nga nakuhaan na ini sang laragway sang isa ka netizen.
Gin-ako man sini nga nablanko siya bangud ang iya ginapanumdon ang iya cellphone nga sa ulihi iya man ini nakita matapos ginbalik sang iya nga kaupdanan.
Gintuad man sini nga ginpasulat siya ni Mr. Gonzalo Andrada sang explanation letter kag nakabayad naman ini sang nagakaigo nga multa.
Handa man si Aguirre nga atubangon ang ano man nga disciplinary action kag nagapangayo ini sang pasensya sa publiko sa paglapas sa ordinansa nga sila mismo ang nagapangdakop apang sila man ang nadakpan.
Nagpangabay man ini nga indi na pagdalahigon ang iya mga kaupdanan nga traffic enforcers bangud siya lang ang nakasala kag suno diri tawo lang siya gani nagakalipat man. | Judy Ann Juare