Tree planting, gipahigayon sa Barangay Don Salvador Lopez Mati City didto sa Sitio Sangay human ang pagdahili sa yuta niadtong nakalabay’ng Disyembre 22 nga miangin og upat ka kinabuhi

Human ang nahitabong landslide sa dakung bahin sa yuta sa Sitio Sangay Barangay Don Salvador Lopez Mati City, ang mga katawhan sa maong Barangay kauban ang pipila ka mga hingtungdang ahensya nagpahigayon og Tree Planting kini aron makabalik na sa hinay hinay ang kalasangan nga na upaw.

Kahinumduman nga midahili ang maong yuta niadtong nakalabayng Desyembre 22 tuig 2022 diin mipatay og upat ka mga residente sa maong lugar lakip ang Purok Chairman ug ang anak niini og laing duha pa ka mga batan-on.
Tumong sa maong Tree Planting ang matabangan ang lasang nga makabalik na sa normal arun nga makapugong sa pagbaha kon ugaling adunay sagunson nga pag ulan ug pagbaha diin apektado ang mga residente sa nasangpit nga dapit.