Arestado ang isa ka tricycle driver matapos ginserbihan sang search warrant sang mga kapulisan sa Sitio Pinaypayan, Brgy. Lanot, Roxas City takna alas 5:48 kahapon sang Huwebes.
Ginkilala ang naaresto kay Ronnie Cervales, 59-anyos, residente sang nasambit nga lugar.
Nakuha sa posisyon kag kontrol ni Cervales ang 1 ka unit sang .38 caliber nga revolver “Smith Wesson”, 19 ka live ammunition sang nasambit nga armas-luthang, 2 ka holster, 1 unit .38 caliber revolver with wooden handle, 6 ka live ammunition sang .38 caliber revolver with wooden handle, 6 empty cartridges sang .38 caliber nga armas-luthang, 9 ka live ammunition sang .22 calibre revolver, kag dugang pa gid nga 2 ka holster sang indi matumod nga armas-luthang.
Ang search warrant ang gin-isyu kag ginpermahan ni Judge Esperanza Isabel E. Poco-Deslate, Executive Judge, RTC, Branch 19, Hall of Justice, Roxas City napetsahan Hunyo 8, 2023.
Magapangatubang sang kaso nga paglapas sa RA 10591 ukon Comprehensive Law on Firearms and Ammunition si Cervales. Sa karon, yara na ini sa kustodiya sang Roxas City PNP para sa nagakaigo nga disposisyon. | Judy Ann Juare