GIPAMATUD-AN sa usa ka tricycle Driver sa General Santos City nga adunay kamatuoran ang usa ka panultihon nga ang tawong mahinatagon sa uban, magasahan sab.
Si Fel Mark Bayron, ang usa traysikel driver nga mitanyag og libreng sakay atol sa iyahang adlaw nga natawhan, wala niini damha nga adunay matandog sa iyahang gibuhat.
Upat ka adlaw human kini nabalita sa Brigada, adunay nagpadala og mensahe gikan sa usa ka establisemento nga buot nila nga muhatag og pahalipay kang Fel Mark.
Gikuyogan sa Brigada News Team si Fel Mark padulong sa Barangay West kung asa nahimutang ang establisemento, asa usa ka sakong bugas ang gihatag ngadto kaniya.
Nasurprisa gayud si Felmark sa iyang nadawatan nga sayo nga pinaskohan malipayon nga gipas-an niini ang iyang usa ka sako nga bugas ug gikarga sa iyang triycle ug subli nga nagpasalamat.
Samtang, gikalipay usab sa iyang kaubanan sa iyang toda ang resulta sa palibre ni Fel Mark usa na dinhi si Arnold nga misaad nga mutanyag usab og libre sakay sa iyang birthday sa Oktubre 19. I Ver Diazon