Sambilog ru patay sa mag-asawang mga senior citizen nga parehong pasahero it naga byaheng tricycle matapos mabanggaan it kotse sa intersection it crossing Banga-New Washington nga karsadahon kaina’t agahon.
Sa imbistigasyon it Kalibo Municipal Police Station, halin sa Brgy. Tigayon, Kalibo ru tricycle nga gina maneho ni Gelbert Mationg, sa legal nga edad it Brgy. Tigayon, Klaibo kat matabo ru aksidente.
Gulpi eamang sigun nga binaggaan ru tricycle it naga paeangop halin sa New Washington nga Toyota Wigo FAL 1560 kulay orange nga gina maneho ni Jaspher Jurilla,39-anyos , residente it Quezon Avenue Extension, Kalibo, Aklan.
Nakilaea ru namatay nga si Luz Mary Tenazas, 70-anyos it Brgy. Tigayon, Kalibo.
Naka angkon it patal nga igo sa ueo ru biktima.
Eagi nga gin daea sa Dr. Rafael S. Tombukon Memorial Hospital ru biktima apang gin deklara it doctor nga patay.
Parehong gin daea sa Kalibo Municipal Police Station ru tricycle ag kotse para sa dugang nga imbistigasyon.
Samtang, maga pangatubang it naga kaigo nga kaso ru driver it kotse nga presenting naka detained sa Kalibo Municipal Police Station.//MARIVIC Y. ILIN