Nakilala na ang tsuper at helper na kasamang nasunog nang lumiyab na fuel tanker matapos mahulog sa tulay sa Bagabag, Nueva Vizcaya noong gabi ng Linggo, September 12, 2021.
Sa panayam ng 92.9 Brigada News FM Cauayan kay PMaj. Romeo Barnachae Jr., Chief of Police ng Bagabag Police Station, kinilala ang tsuper na si Filmor Timbuhan, nasa tamang edad at residente ng Magsaysay, Naguilian, Isabela.
Habang ang helper nito ay nakilalang si Abner Dula at residente ng Reina Mercedes, Isabela.
Batay sa kanilang pakikipag-ugnayan sa isang survivor, nakaidlip umano ang tsuper dahilan upang mawalan ng kontrol sa manibela at mahulog sa naturang tulay na sanhi ng pagliyab nito at nasunog na umabot sa tatlong oras bago tuluyang naapula ang apoy.
Wala rin umano silang nakitang anumang marka sa daan na palatandaang nagpreno ang tsuper bago nahulog sa tulay kaya naman malaki ang paniniwala ng PNP na human error ang nangyari.
Sa ngayon ay naipagbigay-alam na rin sa pamilya ng mga biktima ang pagkasawi ng mga ito at naiuwi na ang kanilang mga bangkay.
Nakauwi na rin umano ang tatlong nasugatan na sakay ng naturang fuel tanker at nagkaroon na ng pag-uusap ang may-ari ng tanker at ang mga ito.
Paalala naman ni PMaj. Barnachae sa mga tsuper na pansamantalang tumigil muna kung inaantok upang hindi maidlip habang nagmamaneho at maiwasan ang ganitong pangyayari.
Photo. Ed Bartolome
Nagpahayag ng pakikiramay ang Department of Education (DepEd) sa mga naiwang pamilya at kaibigan ng…
Nagsagawa ng air assault exercise ang Philippine Marines at United States Marine Corps sa Balabac…
Inotorisa na ng Department of Agriculture (DA) ang pag-import ng bansa sa 25,000 metric tons…
Isa ang patay habang dalawa ang sugatan matapos mabagsakan ng pader sa ginagawang bahay sa…
Isang lolo ang nasawi sa Lipa, Batangas matapos mabangga ng motorsiklo habang sinasagip ang kaniyang…
Magkaksang muli ng tigil-pasada ang transport group na PISTON. Sa pulong balitaan - inanunsyo ni…