Hagbong sa kamot sa mga otoridad sa gipahigayong joint law enforcement operation sa hiniusang pwersa sa Regional Intelligence Division 13, San Francisco Municipal Police Station, Rosario Municipal Police Station, ug 1301st Mobile Force Company sa Regional Mobile Force Battalion didto sa Barangay Sta. Cruz, Rosario, Agusan del Sur ang tulo ka mga suspek sa gang rape.
Giila ni PNP Caraga Regional Director PBGen. Romeo Caramat Jr. ang mga nadakpan nga sila si Davydan C. Anzano, 23 anyos, usa ka minero; Ronnel V. Agbon, 22 anyos ug usa ka 16 anyos nga menor de edad, parehong residente sa lugar.
Dakpan ang tulo pinaagi sa warrant of arrest sa kasong rape nga adunay criminal case numbers 11326,11327, 11328, ug 11329.
Nasayran nga parehong dalagita ang biktima nga nahitabo ang pagpanglugos niadtong Hunyo 2020 human nila kini gipa inom ug ilimnong makahubog.