Tulong ng NTC sa pagpapanatili ng peace and order sa bansa, kinilala ng Napolcom

Kinilala ng National Police Commission (Napolcom) ang ambag ng National Telecommunications Commission sa pagpapanatili ng kapayapaan at kaayusan sa bansa.

Dahil dito kung kaya’t binigyan ng parangal ng Napolcom ang NTC bilang pagkilala sa mahalagang papel na ginagampanan nito.

Mula sa libreng paghahatid ng agarang paalala at patnubay sa publiko, nagtratrabaho din ang NTC sa pagkuha ng pulso at hinaing ng publiko tungkol sa mga bagong protocol at panuntunan upang mapanatili ang peace and order ngayong panahon ng pandemya.

Kabilang na dito ang implementasyon ng mga survey na may mga pamagat na “Public Perception of Police Checkpoints During the Community Quarantine Period” at “2021 Public Perception of Community Safety”.

Ayon kay Napolcom Vice Chairman and Executive Officer Vitaliano Aguirre II, ang tulong ng NTC at iba pang mga ahensiyang kanilang pinarangalan ay napakalaki ng naitulong sa pagkuha ng kapakipakinabang na impormasyon mula sa publiko na nagbigay-daan upang kanilang mapaganda pa ang kanilang serbisyo at mapalakas pa ang tiwala ng publiko sa kapulisan lalo na ngayong may pandemya.

Ibinigay ang parangal online bilang selebrasyon na rin ng ika-55 anibersaryo ng Napolcom.

Leave a Reply

Your email address will not be published. Required fields are marked *