Nag-abot ng tulong pinansyal ang Department of Social Welfare and Development Region 3 sa mga mangingisdang biktima ng engine explosion ng fishing boat sa Bajo de Masinloc kamakailan.
Nagbigay ang Kagawaran ng 10,000 sa ilalim ng Assistance to Individuals in Crisis Situation (AICS) para sa walong apektado ng insidente.
Mag-aabot din ng mga Family Food Packs para sa mga pamilya ng mga apektadong indibidwal.
Nito namang Myerkules ay kinausap ni Subic Mayor Jon Khonghun ang anim na mangingisda, operator ng bangka, at mga kapamilya ng dalawang mangingisda na pawang mga residente ng Barangay Calapandayan, Calapacuan, at Matain.
Nangako ang LGU ng tulong sa pagpapagamot sa mga mangingisda na nasa hospital, financial assistance at pagpapaayos ng kanilang bangka.//Jen Bayot-BNFM OLONGAPO
PHOTO: DSWD