Gikomperma sa Mainit Municipal Police Station nga isa ka mini van ang aksidenteng natagak gumikan lamang sa naglupad nga ok-ok sulod sa sakyanan pag-abot diha sa Brgy. Magsaysay, lungsod sa Mainit, sakop sa probensya sa Surigao del Norte kagahapon sa hapon.
Sa imbestigasyon, gustong patyon sa drayber ang naglupad-lupad nga ok-ok sa gimanehoang sakyanan hinungdan nga gitanggal niini ang tsinelas ug bunalan unta aron mapatay, apan kalit lamang natagak ug nahayang ang sakyanan.
Mapasalamaton na lamang ang drayber nga si alyas Darius sanglit gamay lamang nga pangus ug bun-og ang nahiagoman niya lakip ang upat niini ka mga anak nga sakay adtong tungora kinsa nag-edad pa lamang sa 7, 8, ug 10 anyos.
Kinasingkasing usab nga nagpasalamat ang drayber ngadto sa mga tawo nga nitabang kanila sa hitabo.