Tungod sa selos, asawa gibira-birahan ug tigbas sa bana, patay

Patay ug nag kaligo na sa kaugalingong dugo ang usa ka babae nga si Chequenne Dela Vega 29 – anyos human nga gibira-birahan kini sa iyang bana ug tigbas nga giila sa pangalang Robirto Capio 30 -anyos kun kapin kung kulang usa ka mag-uuma diha sa may Sitio La Swerte barangay La fortuna lungsod sa Veruela Agusan del Sur ning nakalabyng adlaw.

Base sa gisaysay nga impormasyon sa inahan sa biktima nga si Adelina Dela Vega taga P-2 barangay La fortuna sa gikabutyag nga lungsod, kaniadtong adlawng lunes Hunyo 28, 2021 dunay panaglalis nga nahitabo sa panimalay sa biktima gumikan lamang sa selos ug didto nahitabo ang pagpang tigbas gamit ang usa ka sundang nga kanunay bitbit sa maong suspek, gibutyag usab niini nga naka inom ang maong suspek ug mismo anak lamang sa magti-ayon ang anaa atong higayon.

Dugang pa sa maong inahan, sangko gayud sa langit ang kaluoy na iyang gibati human nga nasayran ug nakita ang iyang anak nga nagkaligo na kini sa iyang kaugalingong dugo.