Padayun nga nakakarekober ro turismo sa isla it Boracay eabi pa ag ginaeauman nga maabot kara ro 1.7 million nga tourist arrivals bago matapos ro dag-on ngara.
Ginaboebanta nga 1.5 million nga turista ro nagbakasyun sa Boracay halin it January to November 2022, kumpara sa 1.8 million sa kaparehung buean it 2019.
Nagbatun man ro Boracay it kapin sa 20,457 international visitor o may 15 percent sa kabilugan ku rayang November.
Ro paghaeuga sa travel restrictions ro sambilog sa mabahoe nga bagay ngani padayun ro pag umwad it turismo sa isla.
Ro Korea ro nakalista it maabung arrivals sa Boracay ku Nobyembre nga may 7,857 nga turista nga sinundan it Estados Unidos nga may 2,532 ag Australia nga may 1,192.
Bilang sabat sa pagdagsa it turista sa peak season, ginkakas eon it provincial government it Aklan ro quick response (QR) code requirement para sa mga magabisita sa Boracay. / ANN DESLENE SALAZAR