Magahulat tubtub Hunyo 30 sang udto ang grupon ni incoming Bacolod City Mayor Albee Benitez – Transition team agud makuha ang mga kinahanglanon nga mga dukomemto gikan sa administrasyon ni Mayor Evelio Leonardia ini ang nangin Resulta sang meeting nga ginpatigayon sang magtimbang nga bahin sa Masskara Hall sang Bacolod Government Center kagapon Hunyo 22.

Gin pahayag ni Atty. Caesar Distrito sa interview sang Tira Brigada, wala sang bisan anu man nga papelis ang nahatag sa ila gikan sa pihak nga kampo sabaylo gin pangako sa ila nga mabaton ini sa petsa 30 kon mag turn-over sang palangakuon ang karun nga yara sa pwesto. Dugang pa sini, gin silingan sila nga mahimo nila makuha ang pila sang ila sang luyag nga dukomemto direkta sa opisana kon luyag sini antis ang Hunyo 30 ugaling sang magpadulong ini sila sa mga talatapan ang siling sa ila indi pa available.

Dugang pa nga palayag ni Distrito, luyag sang Team Asenso una nga makuha ang datus sang mga existing and ongoing biddings and projects kag mga accridet supplyers, subong man ang kabilogan nga listahan sang mga empleyado kag financial status sang syudad agud mahapos para kay Benites kag may ihibalo kon mag umpisa na ang iya opisyal nga trabaho sa Hulyo 1.

Bangud sini, ginarespeto sang Grupo ni Distrito ang tikang sang mga opisyales sang syudad bangud sila ang yara sa puder apang ang maayo diri kay nag promisa man ini sila sang kooperasyon kag lauman nga makumpleto ini tanan sa uras sa formal turnover sa Hulyo 30.

Ginklaro ni Distrito ini nga tikang ang wala labot politika ukon ang paglapas kay Leonardia kon ini ang naga sandig gikan gikan sa memorandum circular gikan sa Department of Interior and Local Government (DILG) via| Richard Pauyon