LEGAZPI CITY – Nagpatupad ng balasahan ang Philippine National Police (PNP) sa iilang matataas na opisyal kung saan kabilang na rito si PNP Bicol Regional Director PBGen. Rudolph Dimas.
Mamayang hapon ay isasagawa ang turnover ceremony para sa bagong uupong regional director sa Camp Gen. Simeon Ola sa Legazpi City, Albay.
Sa nakuhang impormasyon, papalitan si Dimas ni PBGen. Westrimundo Obinque bilang bagong director ng PNP Bicol.
Itinalaga ni PNP Chief, PGen. Rodolfo Azurin, Jr. si PMaj. Gen. Jonnel Estomo bilang Deputy Chief PNP for Operations na siyang ikatlong pinakamataas na opisyal sa hanay ng pulisya.
Papalit kay Estomo bilang director ng NCR Police Office (NCRPO) si PMaj. Gen. Edgar Allan Okubo habang si Dimas naman ang papalit kay Okubo bilang SAF director, habang si Obinque naman ay nagmula sa Directorate for Comptrollership.