-Reymund Titong
KABANKALAN CITY, Negros Occidental — Nagapabilin nga mataas ang tyansa nga magalupok pa ang bulkan Kanlaon bangud sa padayon nga pagbuga sang mataas ang lebel sang sulfur oxide, suno sa Philippine Institute of Volcanology and Seismology (Phivolcs).
Pahayag ni Mari-Andylene Quintia, volcanologist sang Phivolcs Kanlaon Observatory, naka-monitor sila sang 3,007 ka tonelda sang sulfur dioxide nga gin buga sang bulkan sang Dominggo, Hunyo 30, mas manubo kun e-kumparar sang ginbuga nga sulfur sang Hunyo 28, nga naglab-ot sa 5,397 ka tonelada.
Apang, suno sa iya, may posibilidad sa giyapon nga may mag luntad nga phreatic eruption, parihas sang natabo sang Hunyo 3, bangud man sang padayon nga magmatic activity sa sulod sang bulkan nga amo ang ginatudlo nga rason sa mataas nga concentration sang sulfur nga ginabuga sini.
Sang Hulyo 1, naka-rekord ang Phivolcs sang lima ka volcanic quakes, kag nagapabilin sa giyapon sa Alert level 2.
Suno kay Quintia, wala na dapat sang mga tawo nga naga-estar sang sulod sang four-kilometer permanent danger zone sang bulkan para mapalayo sa katalagman, pananglitan nga malupok ini sa bala mahibal-an nga panahon.*