Naluwas sa mangilngig nga kamatayon ang usa ka ulitawo human napugnge sa tulo ka mga batan-on ang buot nga pagpakamatay pinaagi sa pag-ambak sa Marcos Bridge kagabii.
Tungod niini gihatagan og advice sa kapolisan sa Police Station 4 Carmen pinaagi ni PSSG Hernani Hetalia ang lalaki human makumbsi nga mukuyog sa ilang buhatan arun tabangan sa gihambin nga problema.
Giila sa mga otoridad kining biktima nga si Alyas Mark hingkud ang edad.
Sa pakighinabi sa kapolisan sa biktima, hanyo niini nga unta matawagan sa ang iyang uyab nga nailang si Alyas Jay residente sa barangay Lumbia ning siyudad sa Cagayan de Oro arun usab mahusay ang ilang problema isip manag-uyab.
Subay sa biktima nga gibinuangay kini sa iyang hinigugma ug walay andam maminaw kaniya maoy hinungdan nga nakahunahuna nalang kini nga kutloon ang hinulamang kinabuhi pinaagi sa pag-ambak sa tulay apan maayu nalang adunay naakagi nga tulo ka mag-churchmate ug gibira ang biktima arun dili kini makadayun sa paglayat sa habog nga tulay.
Pahimangno karun sa mga otoridad ngadto sa mga lalaki nga nakahiagum sa sa depression tungod sa gugma nga dili buhaton ang pagpakamatay tungod dili sulbad sa problema ang paghunos sa kinabuhi.