Ulitawo misulay ug tricks tunga sa kadalanan way swerte natumba, ulo nalumping

Lumping ang ulo sa usa ka indibidwal human ma-disgrasya sa gisakyan niining Honda Click nga Pula nga motor diha sa may P-6 Barangay Poblacion, Trento Agusan del Sur, banda alas 3:59 gainang sayo sa kabuntagon Setyembre 16 tuig 2021 .

Giila ang maong drayber nga si Deo Jay Rivas, 22-anyos, ulitawo uban ang angkas niini nga si Rakim Ayob, 23-anyos nga parehong nanimoyo sa P-7 Paradise ning lungsod sa Trento.

Saysay pa ni Rakim, gikan sila sa kapihan ning lungsod ug pauli na unta ang duruha, gusto matud pa nga mag papuli ug drive si Deo Jay nga dili monaog samtang ga-dagan ang motor apan pakyas kini ug natumba ang motor ug naka-angkon ug pagkalumping sa ulo si Deo Jay samtang bon-ug ug pangos sa nagkadaiyang parte sa lawas ang naagkon sa angkas niini nga si Rakim.

Subay sa maong panghitabo, dali gilayong gidala sa mga personahe sa Search and Rescue SARAS Trento ang duruha ngadto na sa balay tambalanan sa may Bunawan, District hospital gumikan sa ilang na angkon.