DAKPAN ang usa kaulitawo nga tigpayuhot sa illegal nga droga sa National Highway sa Purok 2 Brgy. Nailon, Tudela, Misamis Occidental, kaniadtong Abril 27 sa samang tuig, sa alas 9:30 sa kagabhion.
Giila ang suspetsado nga si ESTERLITO MOLO JR. SALVA, 28 anyos, walay trabaho ug residente sa nasangpit nga lugar.
Gipalitan ang suspek sa nagpailang poseur, ug usa ka pakete nga kuwadrado ang porma, nga ang sulod niini kristal nga substansiya nga gituohang shabu.
Nakumpiska usab gikan sa iyang posesyon ug kontrol ang tulo (3) ka pakete nga adunay sulod nga puti nga kristal nga substansiya nga gituohang dunay marka nga shabu nga JG1 hangtod sa JG3, nga adunay pirma ug usa kabuok quinientos pesos (Php500.00) isip buy bust money.
Gibanabana nga ang gibug-aton nga nakumpiska nga mga droga kapin o kun kulang 0.95 gramo, nga adunay kantidad nga mobalor sa 6,460 pesos.
Kasong paglapas sa Seksyon 5 ug Seksyon 11, Artikulo II sa RA 9165 ang giatubang sa suspetsado.(Jean Ruben)