SIKOP ang drug suspek sa gipahigayong buy-bust operation nga giilang si (1) ORGEN MNU VILLAREAL (Probationer), 24 anyos, lalaki, ulitawo, walay trabaho, ug residente sa Purok 2 Brgy. San Roque, Ozamiz City, kaniadtong Abril 25, 2021.
Gipalitan ang suspetsado sa nagpailang poseur, ug usa kabuok transparent plastic sachet nga adunay sulud nga mga dahon nga gituohan nga marijuana. Nakumpiska gikan sa iyang posesyon ug kontrol ang usa ka piraso nga selyadong transparent plastic sachet, nga adunay mga pinaugang dahon nga gituohang marijuana, usa ka 500 pesos, isip buy bust money, lima (5) ka kabuok 20 pesos isip cash money, usa ka unit nga Revolver Caliber .22 Magnum, ug lima (5) ka buok buhing bala sa Caliber .22.
Gibanabana nga kinatibuk-ang gibug-aton sa nakumpiska nga marijuana kapin kon kulang sa 4 gramos, nga adunay kantidad nga mobalor sa 480. Kasong paglapasan sa Seksyon 5 ug Seksyon 11, Artikulo II sa RA 9165 ug RA 10591.
Ang gidakup nga suspetsado naa karon sa kustodiya sa Ozamiz CPS, samtang ang nakumpiska nga mga ebidensya igadala sa Crime Laboratory alang sa husay ug kadaghan nga eksaminasyon.(Jean Ruben)